Audun Sandvik
Audun har vore med sidan starten i 2003, og er veteranen i Gloppen Musikkfest. Vi er glad for ynskje han velkomen i år og, som festivalmusikar og som ein av to kunstneriske leiarar for festivalen. Han er årets kurator og ivaretar stilsans, smak og respekt for tradisjonen samstundes som han er forløysende laussleppt.
Audun er ein ettertrakta solist, han begynte si solistverksemd på Troldhaugen - i heimbyen Bergen - som 16-åring. Til dagleg er Audun solocellist i Det Norske Kammerorkester, og er professor ved Norges arktiske universitet i Tromsø. Tjuagutten Audun er kjent frå ei rekkje solist-framføringar i radio og tv. Audun kombinerer gjerne det uttrykksfulle spelet med ei leiken og forløysande framferd på scena.
Utanfor konsertsalen er det fotball, båt, ski, kiting og sikkert ein haug andre sportslege aktivitetar som opptar denne bergensaren.
Det er ei stor glede og ære at Audun framleis står på som aldri før for at Gloppen Musikkfest er i stadig utvikling mot nye høgder.
Audun er utdanna ved Norges Musikkhøgskole og ved Indiana University i USA. Han har hyppige solistoppdrag og har vunne ei rekkje prisar, som den høgthengande «Unges Lindemanpris» i 2013. I 2017 spelte han og pianist Sveinung Bjelland inn ein cd med sonatar av Rakhmaninov og Sjostakovitsj. Han har mange år bak seg som solist i KORK.
Audun spelar på ein cello som blei bygd i Roma i 1695, av fiolinmakaren Giorgio Tanginger. Han er den eine av dei kunstnarlege leiarane våre.
Per Kristian Skalstad
Allsidige Per Kristian «PK» er Audun sin makker i musikkfestens kunstnalege leiing. Etter det mangeårige virket sitt som kvartettmusikar, konsertmeister og fiolinsolist, har han dei seinere åra vigd seg hovudsakleg til dirigering, både av symfonisk musikk og opera. Han utvidar stadig både repertoar og territorium og blir (re)engasjert i inn- og utland.
Eitt av PKs fortrinn som maestro, er nettopp hans varierte erfaring som utøvar, og hans evne til å vere lydhøyr. Han frydar seg også over fordjuping i italiensk - operakunstens eige språk.
Aine Suzuki
Til vanleg er ho solobratsjist i operaorkesteret ved Den Norske Opera og Ballett, og har vore det sidan 2016. Ho har plukka med seg ei rekkje prisar frå internasjonale musikkonkurransar, mellom anna frå Budapest, Verona og Japan. Tidlere har ho mellom anna spela i Orchestra Communitat de la Valenciana in Palau de les Arts Reina Sofia og har vore invitert til å spele med ulike orkester i Europa og Japan, mellom anna i Det norske kammerorkester, Plural Ensemble og Capell Japonica. I tillegg til dette er ho òg ein svært ettertrakta pedagog.
Peter Fridholm
Peter har si utdanning frå Musikhögskolan i Stockholm og frå Berlin, og har sidan 1996 vore tilsett i Hovkapellet ved Kungliga Operan i Stocholm, der han no er solofløytist.
Peter har spelt med samtlege orkester i Sverige og vert flittig nytta som kammermusikar og solist, både i Sverige og utanlands. Han er òg medlem av ulike kammarensemble og Royal Wind Quintet Stockholm. Som om ikkje dette var nok, så er han jazztrommis. Det er altså heilt klart ein musikalsk multikunstnar vi får på besøk.
Björn Nyman
Björn ein av Nordens fremste klarinettistar i sin generasjon, og er dessutan ein etterspurt kammermusikar og solist. Han er soloklarinettist i Kringkastingsorkestret og i Det Norske Kammerorkester.
Nyman er prisvinnar i to av dei mest prestisjefulle internasjonale konkurransane for klarinettistar: ARD-konkurransen i München 2003 og Carl Nielsen-konkurransen i Odense 2005. I begge konkurransane blei han dessuten tildelt pris for beste tolking av Mozarts klarinettkonsert. Nyman fekk delt førstepris i Crusellkonkurransen 2002 og vann ConocoPhillips-prisen same året. Björn Nyman har vore solist med m.a.
Kringkastingsorkestret, Odense Symfoniorkester, Bayerische Rundfunk, Bergen Filharmoniske Orkester, München Kammerorkester og Stavanger Symfoniorkester. Han er ein aktiv kammermusikar og har spelt på mange av dei leiande festivalane i Norden.
Björn Nyman fekk sin første jobb som soloklarinettist allereie som 19-åring i Lapin Kamariorkesteri. Han har også vore soloklarinettist i Gustav Mahler Jugendorchester under dirigentar som Pierre Boulez og Claudio Abbado.
Nyman har studert med Hans Christian Bræin og Leif Arne Pedersen ved Norges musikkhøgskole, samt med Yehuda Gilad ved University of Southern California i Los Angeles.
I 2016 gav han sin første solo-cd på LAWO. Saman med Kringkastingsorkestret framfører han verk av Debussy og Crusell i tillegg til Jan Erik Mikalsens Klarinettkonsert, som er tileigna Nyman. Nyman er førsteamanuensis, og har ein internasjonalt anerkjent klarinettklasse på Norges musikkhøgskole.
Alessandro Caprotti
Alessandro studerte først i Milano hos Oscar Meana og deretter i Lyon hos Carlo Colombo. Han har vore solofagottist i Kringkastingsorkestret sidan 2009 og førsteamanuensis i fagott ved Norges Musikkhøgskole sidan 2019. Han har samarbeidd med ulike europeiske orkester, m.a. Det Norske Kammerorkester, Det Norske Blåseensemble, Den Norske Opera & Ballett, City of Birmingham Symphony Orchestra, Opéra de Rouen, Opéra de Lyon og Latvian National Symphony Orchestra.
Han er fast medlem av Oslo Kammerakademi og har med dette ensemblet opptredd både i Noreg og i utlandet, og medverka på fleire plateinnspelingar. Som kammermusikar har han elles vore med på Risør Kammermusikkfest, Gloppen Musikkfest, Stavanger Kammermusikkfestival og Kringkastingsorkestrets kammermusikkserie.
Ingvild Nesdal Sandnes
Ingvild er freelance cellist med base i Oslo, men kjem frå Ålesund. Ho har ein master i utøving ved Norges Musikkhøgskole under professor Truls Mørk. Ho har også studert under Frans Helmersson og Nicolas Altstaedt.
Ingvild jobbar for tida i Operaorkesteret, i tillegg til å være ein svært aktiv frilansar.
Ho har nyleg spelt på Klang Festival i København, samt konsertar i Århus og Oslo med samtidsmusikkensemblet Aksiom, og ho spelar jamleg med ensemble som Oslo Sinfonietta, Cikada og Temporum. Ho har sidan 2014 vore solocellist i det prosjektbaserte Telemark Kammerorkester.
Ingvild var også ein av musikarane under Ålesund Kammermusikkfestival i januar, og ho arrangerer konsertserien Klassisk på Bro i Ålesund.
Ingvil har motteke stipend frå m.a. Stiftelsen RWE Dea, Kulturrådet FFUK og Stiftelsen Kjell Holm.
Ingvild spelar på ein cello laga av Thomas Meuwissen.
Åsbjørg Ryeng
Åsbjørg Ryeng kjem frå Trondheim. Ho valde i ein alder av 10 år å legge fela på hylla til fordel for det eksotiske tangotrekkspelet bandoneón. Sidan den gongen har Ryeng dyrka lidenskapen sin for den argentinske tangomusikken. Ho jobbar no som solist og kammermusikar i store deler av Europa og i Argentina.
Åsbjørg har utdanninga si frå Norges Musikkhøgskole i Oslo, der ho fullførte mastergraden sin våren 2019.
Ryeng besøker jamleg Argentina, der ho hentar inspirasjon i møte med lokal kultur og gamle bandoneonspelande tangolegender som Juan José Mosalini, Pablo Mainetti, Victor Lavallen og Julio Pane. Åsbjørg Ryeng spelar i flere av landets leiande tangoband, og medverkar på ei rekke tangoplater med ensemble som El Muro, Tangueros del Norte, Los Osos Polares, Glød og Cantango.
Simona Sindrestean
Simona er ein av dei leiande oboistane i Skandinavia. Ho er kjent for sin praktfulle klang og italienske melodikjensle; ho blandar den franske og tyske spelestilen på ein måte som er unik for henne.
Ho starta musikkutdanninga si som seksåring på piano på Liceul de Arta i Baia Mare i Romania. Ikkje lenge etterpå begynte ho parallelt å studere obo. Frå 2004 til 2008 tok ho Bachelor i musikk ved ved National University of Music i Bucharest, med den rumenske obo-guruen Florin Ionoaia som lærar. Frå 2008 heldt ho fram studia sine ved Conservatoire National Superieur de Musique i Paris, med den velkjende oboisten og pedagogen David Walter. Ho tok mastergraden i musikk ved Hochschule für Musik i Weimar i 2013 med Mathias Becker som lærar.
Simona har delteke i meisterklassar saman med mange velkjende oboistar, m.a. Hansjorg Schellenberger, Francois Leleux, Dominik Wollenweber, Christian Wetzel og Klaus Lienbacher. Ho har også vunne fleire prisar; ho har vunne alle tevlingar i heimlandet Romania, og det heile kulminerte med Grand Prize i Bucharest National Competition i 2008. Ho vann tredjeprisen ved Hochschulwettbewerb i Trossingen før ho starta den profesjonelle karrieren sin.
Julius Pranevičius
Julius er professor i horn ved Norges musikhøgskole. Før det var han førstehornist i Kringkastingsorkesteret. I tillegg til undervisningspliktene sine, opprettheld han ein aktiv karriere som solist, kammer- og orkestermusikar. Han har vore solist ved fleire urframføringar, og han er stadig på ivrig jakt etter tilgjengelege komposisjonar for horn, for derved å få utvida repertoaret sitt.
Han er opphaveleg frå Vilnius i Litauen. Der fekk han si første opplæring på horn som 10-åring. Seinare held han fram å studere i Litauen, Noreg og Tyskland. I 2011 blei han Noregs yngste professor.
Julius har vunne ei rad internasjonale musikkonkurransar.
Bjarne Magnus Jensen
Bjarne Magnus er ein norsk fiolinist med solid bakgrunn som solist, kammermusikar og orkesterleiar.
Han er ein dyktig og allsidig fiolinist, med eit repertoar som femner mange ulike stilartar, som t.d. jazz og tango, og han har vore på turne i Asia, Sør- og Nord-Amerika, samt i dei fleste europeiske landa.
Han har medverka på mange ulike festivalar, som t.d. Risør Kammermusikkfest, Festspela i Bergen, Oslo Kammermusikkfestival, Kyoto International Music Festival og Cervantino Festival i Mexico. Jensen har har og vore gjeste-konsertmeister i fleire av dei norske orkestra, og har undervist ved Norges musikkhøgskole sidan 2011.
Magnus Staveland
Magnus studerte ved Norges musikkhøgskole og ved Det Kongelige Operaakademiet i København med Susanna Eken.
Han har vore engasjert ved mange av dei fremste operahusa i Europa, som t.d. La Scala i Milano, Teatro La Fenice di Venezia, Teatro Real Madrid, Staatsoper Berlin, Theater an der Wien, Opéra Garnier Paris, Opéra du Rhin Strasbourg, Théâtre de la Monnaie Brussels, Vlaamse Opera Antwerp, Perm State Opera, Kungliga Operan i Stockholm, Den Kongelige Danske Opera, Den Norske Opera, Innsbrucker Festwochen, Festival d’Aix-en-Provence og Drottningholm Festival Stockholm.
Av roller han har hatt, kan nemnast Don Ottavio frå operaen Don Giovanni, og Tamino frå Tryllefløyta.
Han er dessutan ein svært etterspurt konsert-solist, og deltek jamleg på festivalar og mange andre ulike konsertarenaer i Europa og Asia. Repertoaret hans inneheld ei lang rekke messer, oratorium, symfoniar og songsyklusar, som t.d. Mozarts Requiem, H-mollmessa og Johannespasjonen av Bach.
Han samarbeider jamleg med rad kjente dirigentar. Her kan nemnast Philippe Herreweghe, Jukka-Pekka Saraste og René Jacobs.
Catharina Chen
Catharinas har status som ein av Noregs mest lovande klassiske utøvarar. Ho har medverka i fleire norske fjernsyns- og radioprogram, noko som har ført til at ho er godt kjent i sitt heimland.
I 2012 blei ho utnemnd som den yngste kvinnelege 1.-konsertmeister i orkesteret ved Den norske Opera og Ballett.
Ho har vunne fleire prisar, og er den yngste som nokon gong har vunne den høgthengande Oslo bys kunstnerpris i 2004.
Norskfødde Catharina har vore solist med med mange kjente symfoniorkester både i inn- og utland sidan ho var 8 år gamal, og har gjesta berømte konsertstader som Concertgebouw i Amsterdam og Carnegie Hall i New York.
Catharina er fødd i 1985, og 5 år gamal fekk ho si første fiolinopplæring av far sin.
Seinare har ho studert med Alf Richard Kraggerud og Stephan Barratt-Due ved det velrenommerte Barrat Dues Nusikkinstitutt. Ho fullførte sin mastergrad hos professor Eduard Schmeider ved Southern Methodist University i Dallas og Temple University i Philadelphia.
Catharina spelar på ein Jean Baptiste Vuillaumme (bygd i frankrike i 1859) og ein Antonio Stradivarius (Cremona, 1723), velvillig utlånt frå Leif Høegh Stiftelse.
Kristian Lindberg
Allereie som ung vekte Kristian Lindberg stor merksemd i norsk musikkliv. Han var Noregs representant ved Eurovisjonens konkurranse for unge musikarar i Wien i 1998, etter å ha vunne eldste klasse i Ungdommens pianomeisterskap. Seinere har han vunne ei rekke prisar i internasjonale konkurransar, bl.a. førsteprisen i Concour Grieg, Oslo. I 2006 var han ein av to musikarar som under Festspela i Bergen vann ein plass i Rikskonsertane sitt prestisjetunge lanseringsprogram INTRO-klassisk.
Kristian Lindberg fullførte i 2007 diplomstudiet sitt som solist ved Norges musikkhøgskole med Einar Steen-Nøkleberg som klaverlærar. Tidligare lærarar inkluderer Jens Harald Bratlie, Jiri Hlinka og Einar Henning Smebye i Noreg, Laszlo Simon ved Universität der Künste i Berlin og Désiré N’Kaoua ved Ecole Normale de Musique i Paris.
Hausten 2011 spelte Kristian Rachmaninovs klaverkonsert nr. 3 med Orkester Norden og Rolf Gupta i Konzerthaus i Berlin. Elles har han spelt konsertar i Carnegie Hall, Concertgebouw i Amsterdam, Wigmore Hall i London, Konzerthaus i Wien og Kyotofuritsu Fumin Hall i Kyoto. Kristian Lindberg har vore solist med ei rekke norske og utanlandske orkester, deriblant Bergen Filharmoniske Orkester og Den Norske Operas Orkester. I 2006 spelte han Chopins klaverkonsert nr. 1 med Kreml Kammerorkester i Kreml, Moskva. I tillegg har han deltatt ved mange norske festivalar, bl.a. Festspela i Bergen, Oslo Kammermusikkfestival og Vinterfestspill i Bergstaden.
Marius Knudsen Flatby
Marius (f.1974) starta sin musikalske løpebane som pianist, men fann hovedinstrumentet sitt, kontrabass, som 13-åring. Han har studert med bl.a. Knut Guettler og Duncan McTier.
Til dagleg er Marius solobassist i KORK, men er også å finne i Det Norske Kammerorkester og fleire andre kammerensemble. Han har også vore fast inventar ved Risør kammermusikkfest i 15 år. Han er levande opptatt av formidlinga i musikken, noko han tar med seg i alle dei sjangrane han medvirkar i.
Kontrabassen han spelar på er laga av James Brown i 1864.
Raymond Sereba
Raymond er frå Elfenbenskysten, men har budd i Noreg sidan 1983. Han er dansar, musikar, skodespelar og forteljar. Sereba er ein særs erfaren pedagog som enkelt tilpassar seg ulike publikumsgrupper, og som har eit særleg godt lag med born.
På oppdrag frå Rikskonsertane har han halde seminar, konsertar og verkstader i fleire ulike land, som t.d. Sri Lanka, Sør-Afrika, Palestina, Jordan og Island.
Som utøvande kunstnar har han vore med på mange ulike framføringar, som t.d. «Høne Pøne og Hanefar», «Afrisah», «Music Performance & Clown» og «Fleirspråklege forteljingar».
Han held verkstader i rytme og song ved ulike kulturelle institusjonar i inn- og utland, og har m.a. hatt oppdrag for Det Norske Teatret, Rikskonsertane, Den kulturelle skulesekken, National Theater i London og Nordic Black Theater, for å nemne nokre.
Beathe Frostad
Beathe har arbeidd som forteljar sidan 1996 og maskespelar frå 2003. Ho har eit stort reper-
toar av forteljingar frå heile verda, og har turnert med Den kulturelle skulesekken, gjesta festspel og festivalar i inn- og utland, NRK, Det Norske Teatret, bibliotek mm. Ho har halde ei rekkje forteljarkurs og er lærar i forteljarkunst. Beathe er og medlem av gruppa ”De onde halvsøstrene”, som arbeider med forteljar-
kunst, maske- og figurteater. Beathe nyttar sin forteljarkunst og teaterkunnskap til arbeid med kommunikasjon og HMS i organisasjonar.
Berit Billingsø
Berit har mastergrad i soloklaver frå Norges musikkhøgskole. Ho har også studert ved Sibelius-akademiet i Helsinki, Finland.
Billingsø er ein ettertrakta pianist med brei erfaring både som solopianist, kammermusikar, akkompagnatør og repetitør.
Ho har lenge spelt i duo med cellisten Ingvild Nesdal Sandnes, og saman har dei skapt mykje merksemd for si tolking av Marcus Paus sin sonate for cello og klaver.
Som solopianist har Berit blant anna samarbeidd med skodespelar Lise Fjeldstad, noko som resulterte i ei framsyning om bohemen Dagny Juel i 2017.
Berit jobba som repetitør ved Norges musikkhøgskole fra 2013 til 2018. I 2015/-16 var ho tilsett som akkompagnatør ved Barratt Due musikkinstitutts «Musikk på Majorstuen».
I august 2018 valde Berit å flytte til heimfylket Hedmark, og har no base på Kongsvinger. Ved sida av jobben som kantor i Vinger kirke er ho framleis ein aktiv frilansar.
Berit har mottatt stipend frå blant andre Norges forskningsråd, Kulturrådet, FFUK og Sparebank1 Østlandet.
Berit er å treffe under vår satellittkonsert i Fjaler måndag 2. september.